Author name: Surya Narayana

అందుకో…..అందుకో….అందుకో..శంకరా…
మా తొలి సంధ్యల పూజలివే పుచ్చుకో భవహరా…
నిలిచిపో…..నిలిచిపో…నిలిచిపో….పరాత్పరా…

హరిహరుల ప్రీతికర మాసము…
ధన్యమగు ధనుర్మాసము…
అభయమూర్తుల శుభకరుణ వీక్షణము…
కనిన తీరు పాప కర్మల ఫలము..!!హరి!!

చల్లని తల్లీ గౌరీ….
శివహృదయ ప్రియంకర శాంకరీ…
అమ్మా జననీ భవానీ…
నీ మంగళ రూపముగాంచి ఈ జన్మము ధన్యమునవనీ..

ఓమ్ నమ:శ్శివాయ నమ: త్రిదళ పూజిత త్రినేత్ర హరుడా..త్రిసంధ్యలూ నిను కొలుచు భాగ్యమ్మునివ్వరా పరమశివుడా..ఆదిమధ్యాంతమూ లేని ఆదిదేవుడివు నీవయా…ఈ సృష్టి పరిణామ క్రమానికి మూలకారకుడవు నీవయా…శంభోహరా శంకరా…హర హరా..ఉజ్జయినీ పుర విహారీ హర హరా..!!త్రిదళ!! ఎన్నెన్నో గ్రహరాశులు…మరెన్నెన్నో జీవరాశులు…సమృద్ధికర జలరాశులు…విభిన్న రుచికర ఫలరాశులు…సర్వ సుందరమైన వృక్షసంపదలు…కనక,తామ్రమయ ఇత్యాది ఖనిజ సంపదలు..ఎన్నని తెలుపమయా నీదు బహుమానాలు…మేమెన్నతరమా శంకరా నీదు గొప్ప గుణ గుణాలు…!!త్రిదళ!! అందమైన నీ సృష్టిలో పరమాణువులమై మేముంటిమయ్యా…ఏ పూర్వపుణ్యమో ఈ పుడమిపై పుట్టించినావు నిను మరువమయ్యా…ధరణిపై తనువు తిరుగాడువరకు…అవనిపై బ్రతుకు కడతేరువరకు..గంగాధరా తోడైన,నీడైన నీవేనయా..శంభోహరా..నిను సేవించ ఈ జన్మ సరిపోదయా…!!త్రిదళ!! పాహిమామ్..పాహిమాం..పరమేశ్వరా పాహిమాం..రక్షమాం..రక్షమాం..సర్వేశ్వరా.. రక్షమాం…

సుమ సౌరభ శోభిత శైలపుత్రీ మానస సుందరేశా…
ఎంత భాగ్యమయా నిను కన ఈ రీతి మా కనులకు పార్వతీశా..

ఒక్కసారైన దయచూపవా…శంకరా..నిను తలచుకుంటుంటే….
కడకొక్కసారైన పలుకవా… శంకరా…శంకరా అని మనసార పిలుచుకుంటుంటే…

విన్నవించుకోనా శంకరా…ఒక చిన్న విన్నపమును..
ఉంచమని మా గుండెలో నీ దివ్య రూపమును..
భక్తి ప్రకంపనలు క్షణ క్షణము లోలోన కలుగుతుంటే…

గణేష్ మహారాజ్ కి జై అందుమా…
బొజ్జ గణపయ్య పూజలకి సై అందుమా…
వక్రతుండుని ఎదుట గుంజీలు తీస్తుంటే..