Author name: Surya Narayana

చూడ రెండు కళ్ళూ చాలవు శివయ్య..నీ సౌందర్య రూపమును..
ముక్తి నొసగే ముక్కంటి…నీ అర్దనారీశ్వరమును…
మరల మరల రాని ఈ పుణ్య క్షణములు…

ఏదో…ఏదో…మాలోన తెలియని తీరనీ వెలితి…
తీర్చగ రావయ్య వేగిరముగ గిరిజా ప్రియపతీ…
విన్నవించుటెట్లనో తెలియకున్నది మాలోని…వేదన…

నాగభూషణా….నంది వాహనుడా..
దుష్ట నివారణా….భీమ శంకరుడా..
ఎన్నాళ్ళు వేచేమయా నీ దయకోసము…

నమో నమో దేవీ.. పరమేశ్వరీ..
శివహృదయ భాగతరుణీ…ప్రియ శాంకరీ…
కోరికొలుతుమమ్మా జగదీశ్వరీ…

మెరిసితివయ్యా శివయ్యా…
హరిద్రా వర్ణమున…
స్వాగతిస్తూ వాసంతమును వసంత పంచమిన…
ఋతువులిచ్చే నీకు చేయమా క్రతువులు….

పుట్టదా శంకరా…ఏ ప్రాణికైనా నిను చూడగనే భక్తి…
కలుగదా ఏ జన్మకైనా…నిను కొలవగనె ముక్తి…
కాదన్నవాడు కలడా ఇలలోన…

ఏమివ్వగలవని అడగను శంకరా…
నీకు నేనెమవ్వగలనని కోరను..
అడగంగ నేను పరిశుద్ధుడను గాను…

కైలాసవాసా…హే పార్వతీశా..
ఎరుపెక్కనీకయ్య నీ కనులు శంకరా..
గిరిజాపతీశా…గౌరీ మహేశా…
మా మది తప్పిదములు ఎన్నున్నా మన్నించవయ్యా అభయంకరా…

ఏమన్నవో మా కనులు తెలుసునా శంకరా…
కలలు తీరెనన్నాయి నిను దర్శించుకొని నిజమయా ఈశ్వరా..
నిలుపుకున్నాయట పదిలముగ నీ రూపమును తమలోన…