June-2022

శంభో హరా శంకరా….
గంగాధరా…సుందరా…
జగతినుద్ధరింప
జగజ్జేయమానముగా కాంతు లీనుతున్న జగదీశ్వర…

శివుని కుమార…లంబోదర
కానరా..నిలిచి ఉన్నాము నీ ముందర….
ఆశీస్సులందించు గణ నాయకా…
ఆజన్మాంతమూ నీకు ఋణ పడి ఉంటాము శుభదాయక…

రుద్రాంశ సంభూత మారుతీ….
కొనియడెనయ్య నిను రఘుపతి…
అందుకొనమని తన దివ్య మంగళ హారతి…
వరమునిచ్చాడయ్య నేడు…నీకు కైలాస గిరి పశుపతి….

అమ్మా…సుహాసిని…
బిల్వ పత్ర మాల ధారిణి…
కంటిమమ్మా… నిన్ను మనసుతో…
ముక్కంటి సతివని కడు భక్తితో….

శంభో హరా శంకరా…
గంగానదీ తీర హరహర…
ఎన్నడని అడగము…
ఎప్పుడని కోరము…
కరుణిస్తె చాలయా శంకరా…ఒకసారి ఈ జన్మకి…

అర్థించ నన్నవి శంకరా…ఏ వరములు….
నీ పాదములను కడగాలనుకున్న ఈ కరములు…
కోరనే కోరనన్నవి శంకరా…ఏ కోర్కెలు….

జయ మంగళమమ్మా…
జగదీశ్వరీ….
శుభ మంగళమమ్మా…పరమేశ్వరీ..
పెద్ద ముత్తైదువు తల్లీ…స్త్రీ జాతికి..
పెద్ద…పెద్దమ్మవు తల్లీ .ఈ జగతికి…

ఏక దంతాయా నీరాజనం…
భళా..గణపతి నీ దర్శనం…
గజముఖాయా..నీ చరణం…
తాకినంతనే కలుగు శుభం…
గం..గం…గణపతి గజాననా…

విధేయుడవయ్య వీరాంజనేయా…
వినమ్రత నీకు ఆభరణమయ్య….
విశ్వనాధుని మదిన కొలువైన హనుమా….

ఎన్ని రూపములు…ఎన్నెన్ని రూపముల దర్శనములు….
శంకరా…మము కరుణించి వరమియ్య నీకొచ్చెనా ఇన్ని కష్టములు …
తిలకించుచున్నాము..భక్తితో నిత్యమూ నీ దివ్య దర్శనం….