july-2022

ఆదిత్యుడమరె…తిలకమై నీ నుదుటి పై….
ప్రసరించ….నీ కరుణ కిరణాలు ఈ జగతి పై….
నీ ఉత్తరువుతో రవి పంచేను వెలుగులు….

ఎన్ని కనులు వీక్షించు చున్నవో నిత్యమూ నిను శంకరా….
ఆ అన్ని కనుల కన్నీళ్లు తుడిచేవు ప్రేమతో పరమేశ్వరా….
నిను మించి దైవము వేరొకరు కలరా?

కంటిమయా ముక్కంటి నీ మోములో….
కరుణ రసామృత జల నిధులు
కోట్లలో…

లింగమును తిలకముగ కంటిరా…ముక్కంటి…
భక్తితో సంతసముగా మ్రొక్కొంటిరా..నీ పదమంటి….
ఈశ్వరా… శలవిస్తివా అర్చకులకి…
దిద్దమని లింగమును బొట్టుగా కనుబొమల మధ్యకి..

సదా శివుని తనయా శ్రీ గణనాయకా…
సదా శుభములిచ్చు మా దైవమే కనరా ఇక….
వక్రతుండా…నీకు వేన వేల వందనాలు….

ఓంకారమే తిలకమై…
వరదాయక…ఆ వెలుగులే తేజమై…
నీ చూపులే వరములై….
మాయతో ముడివేసే నీ బంధమై…!!ఓం!!

సర్వ వ్యాప్తివి నీవు…సకల ప్రాప్తిని ఇచ్చేవు నీవు…
సర్వమూ నీవేను శంకరా….మాకన్ని యూ నేవేను శశిధరా…
ఈ జన్మ నీదేను భవహరా ..

తిరునామాంలంకృత త్రిదళ ప్రేమిక….
శంకరా.. నేడు కరుణించదలచితివా ఈ రీతి మమ్మిక…
నీ అంతరంగమెరుగంగ
మేమెంతవారము..

కనరారా….అమ్మని…
ఈ జగమేలు జననిని…
వేడుకొన రారా…. దుర్గని…
కరుణించమని అవనిని…
ముచ్చట కొలుపు ముగురమ్మల మూలపుటమ్మని…

రవిబింబమే నీ నుదుట తిలకమై…
కరుణించు నీ చూపులే శుభయోగమై….
తెలవారనీ శంకరా…ప్రతి ఉదయము…..