july-2022

ధవళ వర్ణమున మెరయు దాక్షాయణి పతీ…
మోకరిల్లు ఈ జగతి నిను గనిన గిరిజాపతీ….
ఎపుడు కలగనని రూపాన
కరుణిస్తివి…

ఎప్పుడనగ వచ్చాడో…. కరుణించగ శంకరుడు కైలాసము నుండి….
మనమిక్కడుండి పోకుంటిమి తన గుడి వైపుకు సుమండి….
చిరునవ్వుతో పలకరించు సాంబ శివుని గాంచి….

కనరండి… కనరండి..కైలాస గిరి శివుని….
కరుణింతు నంటూ వేంచేసి యున్న శ్రీ ఉమాపతిని…
మరల రాదేమో…ఈ క్షణము హరుని మనసార కొలువగా….

ఏమిటో నీ లీల తెలియనైతిరా….
ఎందుకో నీ దయను పొందనైతినిరా…
పార్వతీ హృదయేశ…దయచూడుమయ్యా..
ఒకసారి నా మనవి వినిపించు

నిన్నని కాదు… నేడని కాదు….
ప్రతి దినము అద్భుతమైనయా శంకరా…నీ దర్శనం…
ఇపుడనికాదు… అపుడనికాదు…

నేడా? రేపా? ఎపుడయ్య శంకరా…
అపుడిపుడని అనకనే కరుణించుము శశిధరా..
ఎద గుడిలో నిన్నుంచి కొలిచేము కానరా…
ఒక క్షణమే చాలయ్యా.. దీవించగ శుభకరా..!!నేడా!!

ఏ క్షణములో కలిగిందో శంకరా…నీ పైన భక్తి నాకు….
ఆ క్షణము నుండే నీ మది సరసులో కావాలనుంది నేను తామరాకు…
ప్రతి ప్రభాత సమయాన వికసించు కమలమల్లే…

అమ్మవైనా నీవే…అయ్యవైనా నీవే…
మాకన్నియూ నేవేనయా అర్ధనారీశ్వరా…
మా సర్వమూ నీవెనయా పార్వతీ పరమేశ్వరా…!!అమ్మ!!

ఎంత ముదమాయెనో శంకరా…హనుమయ్య నీకు….
రామ భక్తుని…లింగాన ఆవాహనము చేయించి ఆదరించిన నీకు…
హనుమా…నీ జన్మ ధన్యము…

ఎటుల చేయగలనయ్య శంకరా…నీ పూజనీ…
కాస్తైనా నిలకడలేని ఈ మనసుతో…
నేనెటుల చేయగలనయ్య ఈశ్వరా…నీ సేవనీ..