Author name: Surya Narayana

ఎందుకయ్యా శంకరా… నిలిచి పోయావు..నా మనసులో…
నేనేమి సేవ చేశానని మెదలు తున్నావు…నా తలపులో…
అడగకనే వచ్చావు…నా గుండె గుడిలోకి .

ధవళా చల మందిర సుందరా…
అరుణాచల భక్తవశంకరా…
కరుణాంతరంగ దిగంబర…
జల లింగ స్వరూప శుభంకర…

ఎల్లలు లేని దయ చూపేవు దాక్షాయణి..
కోకొల్లలుగ వరములిచ్చేవు కాదనక కాత్యాయని…
అమ్మా…అని పిలిచితే ఆదుకుందువు శాంకరీ….

కనిపించు శంకరా…నీ మోములో..
కారుణ్య కిరణాలు ప్రతి క్షణములో..
ప్రసరిస్తు ఉంటావు నిర్విరామ ముగా…
అనీర్వచనీయమైన అనుభూతిని మాకిస్తు నీ వరముగ.

గుట్టపై నున్నా…ఏ కొండపై నున్నా…
కదలి వచ్చేమయా శంకరా…
నీ పద సేవ చేయ తరలి వచ్చేమయా శంకరా..
వాగులెన్ని అడ్డొచ్చినా….వంకలైపారినా..

ఎటుల తెలుపను శంకరా…నా ఆర్తిని…
నీకెటుల తెలుపగల ఈశ్వరా…
నీ పైన గల నా భక్తిని…
ఘోర తపములు చేయలేను…

ఉజ్జయిని శ్రీ కాళ లింగమా…
విశ్వమోహన రూప జంగమా…
ఎనలేని భక్తిని మాకొసగుమయ్య..
కనరాని కైలాస శిఖరాలు కననీయ్యవయ్య…

కన్నానయా.. కరుణామయా
నీ మహిమాన్విత రూపము…
చెప్పుకున్నానయా…దయామయా
భక్తి పూర్వకముగ నా విన్నపము..

ఎంత దయరా పరమేశ్వరా మా పైన ..
నీకెంత కరుణరా శంకరా…ఇలపైన
నిత్యమూ వీక్షిస్తుంటావు నిటలాక్షుడా…