Author name: Surya Narayana

విధేయుడవయ్య వీరాంజనేయా…
వినమ్రత నీకు ఆభరణమయ్య….
విశ్వనాధుని మదిన కొలువైన హనుమా….

ఎన్ని రూపములు…ఎన్నెన్ని రూపముల దర్శనములు….
శంకరా…మము కరుణించి వరమియ్య నీకొచ్చెనా ఇన్ని కష్టములు …
తిలకించుచున్నాము..భక్తితో నిత్యమూ నీ దివ్య దర్శనం….

పుణ్యాత్ములగుదురయా శంకరా… ఎవరైన నిను కనిన ఈ క్షణాన…. అపర ధన్యాత్ములగుదురయా…
వారందరూ నిను గాంచి సుందరాన…

ఏ నోము నోచేనొ శంకరా…ఆ మారేడు దళము…
నీ మనసుకయ్యింది బహు ప్రీతికరము…
పుట్టనా…మరుజన్మలో మారేడు దళము నేనై…

దయకను రూపం…శివా నీ వదనం…
కరుణామృత కలశం…నీ ప్రతి నయనం ..
శుభ దర్శనమిచ్చిన సుందర రూప శుభంకరా….

కన్నామయా శివా…కన్నామయ..
కని…మనసార నిను వేడుకున్నా మయా…
ఉన్నామయా… భువిన వున్నామయా…
నీ కరుణచే మనగలిగి ఉన్నామాయా…

ఎటుల సరిపోవునయ్య శంకరా…నిను తిలకించ ఈ రెండు కనులు….
అసలు సరిపోవునా శంకరా…నిను సేవించ ఈ రెండు కరములు….
మహోన్నతమైన నీ దివ్య సౌందర్య మును తిలకించనవునా?

ఓ చల్లని చూపుల తల్లీ..
మా శివుని మనంబున విరిసిన మల్లి…
మ్రొక్కెమమ్మా నీ పదములను…
పుణ్యము నొసగే నీ చరణములను..

అత్యంత సుందరం శంకరా..నీ దివ్య సౌందర్యం…
కనిన జనులెల్లరికి కలుగు సిరుల సౌభాగ్యం…
చిత్తరువులవుదురు నిను గాంచినాక….

పరమ పావనమైన పరమేశ్వరుడు
వేచి ఉన్నాడు వరములియ్య…
అడగకనే వరములిచ్చు మహ మంచివాడు మన శంకరయ్య….