September-2022

నిలువగల వారమా నీ ఎదుట శంకరా….
నిలిచి వరమిమ్మని అడగ గలవారమా ఈశ్వరా…
దయతలచి ఇవ్వాలి నీకు నీవే వరములను….

నారాయణీ….శ్రీ పరమ పావనీ..
దాక్షాయణి…దయా హృదయ మాలిని…
ఆశ్వయుజ మాసాన అమ్మ.. ఓ..మాయమ్మ…

ఓం నమః శివాయ శివశంకరా…
మహా దేవాయ గంగాధరా..
ప్రణవాక్షర రూపాయ పరమేశ్వరా…

ఈశ్వరీ…పరమేశ్వరీ….
శాంకరీ…ప్రియ శంకరీ…
నవరాత్రి శోభలను కాన రావమ్మ..
నవదుర్గవై అలరార తరలి రావమ్మ…!!ఈశ్వరీ!!

సోమశేఖరా.. నిను కనిన కలుగునా సంకటములు….
నాగభూషణా…నీ పద ము పలికిన కలుగునా భయములు…
ఇసుమంత భక్తికే పొంగి పోయే నీవు…

ప్రసరించినావు శంకరా….నీ చూపుని…
తిలకించ ముదమార నీ సృష్టిని…
వేచివుందయా శంకరా…ఈ ధరణి నీ కరుణ కై…

కలగనని స్థితిని ఇచ్చేవు కరుణాకరా…
కలనైన నిను మరువ లేనటుల గంగాధరా..
శంకరా… అనిపిలిచితే చాలు..పారు వరదలై వరములు….

నమస్కృతులమ్మ జగదీశ్వరీ…
వేల కృతులు పాడెద భువనేశ్వరీ…
ఆలపించుతూ ఆరాధింతుమమ్మ కాత్యాయనీ….
ఆలకించుతూ దీవించుమమ్మ శివ శివానీ…

నన్నెప్పుడూ అడగకయా శంకరా…ఏ వరము కావాలని..
ఏమివ్వకున్ననూ నేనెప్పుడూ అడగను ఏంతప్పు చేశానని…
కర్మ ఫలముల కొలదీ ఇచ్చేవు వరములు ఎవరికైనా…

ప్రణవనాద ప్రియుడు పరమేశ్వరుండు….
శంఖునాద ప్రియుడు శివ శంకరుండు….
సంగీత సాహిత్యముల సేవలకు సంతసించును శివుడు….