September-2022

శంభో మహాదేవ శివ శంకరా…
ఉజ్జయినీ పురాధీశ కాళేశ్వరా..
కంటిరా..ముక్కంటి కనులారా నిన్ను..
ఢమరుక నాదాలు మిన్నంటుంతుంటే నేను…

ఉజ్జయినీ శ్రీ మహా కాళేశ్వరా…
భస్మాభిషేక ప్రియ పరమేశ్వరా…
నా రెండేళ్ల కోరికను మన్నించినావు…

రుద్రాక్ష కిరీటి వరదాయకా…
హస్తి సుమ కోమల ముఖ నయన శుభదాయకా..
అలరారుచున్నావు అధినాయ కుని వై….

హరుడు విష్ణు రూపమును దాల్చే…
నిటలాక్షుడు కమలాక్షుడనిపించే….
ధన్య మైనవి కదా… మా రెండు కనులు…

పరమ శివుని ముక్కన్ను నీ నుదుట తిలకమవగా…
హరుని రుద్రాక్షలే నీ వక్రతుండమై అమరగా…
పరమేశ్వరుని తేజస్సు ప్రభవించేనయ్య….

మారాజువయ్య గణ నాయకా…
మా మంచి మనసున్న రాజువయ్య ప్రియ పాలకా….
ప్రమద గణ బృందానికి అధిపతివి గా….

త్రిశూల తిలకాంకృత గణ నాయకా…
స్వర్ణ మణిమయ శోభిత శుభదాయకా…
కంటిమయా గణపతి నీ మోముని…

సంతసమొందుము నిను గనిన…
సాంత్వన పొందుము గజానన…
విఘ్నరాజా నమో…నమో
శ్రీ విశ్వతేజా నమో…నమో..

గౌరీ ప్రియ నందనా…శ్రీ గజాననా..
తొలి పూజల దైవమా ..ఎలుక వాహనా…
కావుమయ్యా గణపతి కంటి రెప్పలా….

పరమేశ్వరా… కరుణించరా…
ఆవేశపడకయ్య శివ శంకరా…
తప్పులెన్నున్న దయతోడ మన్నించవయ్యా…