Author name: Surya Narayana

ప్రణామములమ్మ పరమేశ్వరీ…
నిత్య నీరాజనములమ్మ జగదీశ్వరీ..
శాంకరీ…నేనవ్వనా ఈ క్షణము కాళిదాసుని….

హరి హరుల దర్శనం ఆనంద దాయకం….
శివకేశవుల వీక్షణం శుభదాయకం…
ఆహా…ఎంత భాగ్యమీ కనులకు…

నారాయణ రూపం నమో నమామి..
నారాయణీ శివం సదా స్మరామి…
కమనీయం రమణీయం శివా.. నీ సుందర దర్శనం…

కానలేమయ్య కరుణాకరా..
కోపాగ్నితో రగులు నీ కళ్లనీ…
మేము నిలవలేమయ్య శంకరా నీ ముందర….

ఎటుల నీ దయను పొందగలనో శలవియ్యరా…
నేనేరీతి సేవించితే కరుణించెదవు గంగాధర…
తెలియకున్నది నాకు ఎన్ని నాళ్ళైన…

త్రిశూల ధర శివశంకరా…
త్రిదళముతో పూజిస్తురా…
త్రినేత్ర సుందర శశిధరా..
త్రిసంధ్యలూ ధ్యానిస్తురా…

ఉదయించెనా శంకరా…ప్రభాకరుడు నీ ఆజ్ఞతో…
అతడు ప్రసరించెనా వెలుగులను నీ కను సైగతో…
ఇవ్వవలసిన వన్నీ ఇచ్చేవు ఈ జగతికి…

దీపాల వెలుగులలో కంటిరా నిను నేను చంద్రమౌళి….
అనుకొంటిరా…ఇది కదా నాకు నిజమైన దీపావళీ…
నాగేశ్వరా…మనసా స్మరామి అని తలచితిని శంకరా….

ప్రణవాక్షరం…పరమేశ్వరం…
ప్రధమాక్షరం..ఓంకారేశ్వరం..
నభూతో నభవిష్యత్ శివశంకరం..
నమామిం…స్మరామిం సర్వేశ్వరం..