Author name: Surya Narayana

ఒకసారి కనిపించరా…శంకరా
నీ కరుణ చినుకులని కురిపించరా శంకరా…
వేసారి ఉన్నాము…భవహరా..
నీ ఆటలో మేము అలసి పోయి ఉన్నాము హర హరా..

నీలాకాశము రంగులలో…
సాయం సంధ్యా వెలుగులలో…
పౌర్ణమి ఘడియల సమయం లో…
శ్రావణ మాసపు వెన్నెలలో..
నిలిచామయ్యా నీ గుడిలో..

ఓమ్ నమ:శ్శివాయ నమ:🙏🙏🙏

సుందరేశునికి శతకోటి వందనములు…
మంగళాకారునికి త్రిశత కోటి ప్రణామములు…
అరవింద నేత్రాల

తీరేనయా…. మా కలలు నిను దర్శించినాక శంకరా…
ఇక నీదేనయా… మా భారము అర్థించుచున్నాము మోయరా హర హరా…

సర్వం..శివం…సుందరం..
ఏక బిల్వం..శుభం..శంకరం..
ఈ జగం.. హరం ధ్యానం…
ప్రభూ..ఇదే..మా మౌన గానం..
శివం..నమ:శ్శివాయ…
ఓం..హరం..

ఏకదంతా…తొలి పూజ వర గ్రహీత..
లోకమంతా…కొనియడె నిను మేరునగమంత…
గణనాధుడే మా నాయకుడని…
విఘ్నాలు కడతేర్చు వినాయకుడని..

మంచుకొండలవాడ…కోటి ఆశల
హరుడ….
నిత్యఅలంకృత నీలకంఠేశ్వరుడ…
ఉజ్జయినీ పురమున వెలిశావుగా శ్రీ కాళేశ్వరునిగా…

అడిగాను శంకరా…నా కనులని
రాల్చారు గంగ బిందువులు మీరెందుకని?
బదులిచ్చాయి హర హరా…వినమని
ఆ కరుణామయుని కన్నాక కారవా ఆనంద జలధారలు ఏ కనులనుండైనా అని..

ఏముందయా శంకరా నీలో…
పడిపోతారందరూ నీ మాయ లోయలో…
తిరిగిరారు పడిపోయాక ఎవ్వరూ…
ఆ గూఢార్థమేమిటని అడిగినా ఒక్కరూ పెదవి విప్పరు…

భవహరా…భయానక భీకర రూపమును భరించలేమయా..
హర హరా…నువ్విలా దర్శనంబియ్య ముదావహము కాదయా…