November-2022

ఉదయించె శంకరా…నీ ఆజ్ఞచే భానుడు…
వెలుగు పంచంగ ప్రకాశించే ఈ సృష్టికే సూర్యుడు…
ఎనలేని శక్తి నివ్వంగ సకల జీవరాశుల లెల్లకు…

ఎందుకే తాకావు నా గుండెని..
నీ మనసునెపుడు పిలవని నా మనసుని…
కదిలించి పోయావు ప్రేమ చిరుగంటలు…

అల కైలాస గిరిన కొలువున్న శంకరా..
మా హృది గుడిలోన ఎపుడయ్య చేరేది శుభకరా…
సతి పార్వతీ సమేతముగ కదలి రావయ్య…

ఎందుకయ్యా శంకరా…తాకావు నా గుండెని…
అది మరచి పొమ్మన్నా మరవకుంది నీ కరుణని…
లో లోపలే సాష్టాంగ పడివుంది కానరా….

ఏమనుచు పొగిడేము శంకరా నీ కరుణని….
ఏ రీతి వర్ణింతు నీ దయా హృదయ మనసుని…
కనులు మూసి తెరుచు లోగా కాపాడుతుంటావు…

పరీక్షించకయ్యా…పరమేశ్వరా..
నీ దయ లేకున్న వ్రాయగలనా నీ భక్తి గీతాలు నేను..
అనుభూతి చెందుచున్నాను ఈశ్వరా…ఆ గీతాలు వ్రాయు క్షణము పరమాద్భుతమని నేను..

ఎంత పుణ్యము చేసుకొనెనో శంకరా…మా రెండు కనులు…
నిను గాంచి ధన్యతను పొందాయి వేవేల జన్మలు…
ఇచ్చావు ఈ వరము ఈ జన్మకు…

ఎటులైన కాని…చూపింతురే శివుని…
ఏ తీరునైతే నేమి…మహా కాళేశ్వరుని కంటిమి..
నిత్య దర్శనము పొంది ధన్యులైనాము…

అడ్డ నామాల శంకరయ్య…
మహా దొడ్డ మనసు గల ఈశ్వరయ్య..
ఇది ఎన్ని జన్మల పుణ్యమయ్య..
నీ సేవ చేయగ ఇలన ఉంటిమయ్యా..!!అడ్డ!!

నెల పొడుపు చంద్రుడు..నీ నుదుటి పై మెరిశాడు…
దానికనుగణముగ మారేడు అందముగ అమరాడు…
జీవకళ ఉట్టి పడుతున్నట్లుంది నీ ఆహార్యము…