march-2022

ఆగనన్నది శంకరా..నా కలం..
విరచిస్తూనే ఉంటుదట నీ భక్తి పద కవితలు ఎన్ని వేలైనా…
అలుపెరుగన్నది ఈశ్వరా…నా గళం..

ఏది నీవు కావు? ఈ జగములో…
సకలమూ నీవేనయా శంకరా…మాకు ప్రతి యుగములో..
ఎదను తాకి చూడు ఒకసారి నీ మనసుతో…
నీ పదములినిపించు ప్రతి సారి కడు భక్తితో…

త్రిశూలం…త్రినేత్రం…త్రిజన్మ పాపహరం..శివం శంకరం..
‘న” కారం..’మ ‘ కారం…శివాయా అను నామం స్వరం సుందరం…
నమో ఆది దేవా నమస్తే…నమస్తే..

సప్త వర్ణముఖమున శంకరా… నిను దర్శించ లిప్త కాలము చాలునా..
గుప్తమౌ నీ కరుణ నిధులను పొంద.. సంక్షిప్త ప్రార్ధనలు సరిపోవునా…

పలుకరించేవు శంకరా..మా పైన కరుణతో…
పరితపించేవు పరమేశ్వరా..మా కొరకు ప్రేమతో..
నీ భక్తులమవుటన్నది ఏ పూర్వ పుణ్యమో…

శంకరా..శివశంకరా…
ధన్యజీవిని చేయరా…
ఈశ్వరా…పరమేశ్వరా..
నను పుణ్య చరితుని చేయరా…

ఏ శుభ ఘడియలో వత్తువో చెప్పరా శంకరా…నా హృదయానికి..
నిదురైన పోకుండ వేచి ఉంటానంది మది..నిటలాక్ష నీ రాకకి…

ఉన్నంతలో చేసేమయా నీ పూజను…
మాపైన.. నువ్వెంత చూపించినా చాలురా నీ కరుణను…
కొలతలన్నవి మాకు వలదు శివయ్యా…

సమస్త ప్రాణికోటికి తేజమై…
ధరిత్రి ప్రగతికి మూలమై…
విశిష్ట భాస్కరుని రూపమున..
సహస్ర కిరణ సుశోభితమున..

ఇప్పటికిప్పుడు ఎవ్వరు అడిగినా ఇచ్చేవయ్యా వరమును..
మా తప్పులు లెక్కకు మించీ వున్నా మన్నించేవయ్యా మా కర్మను…
కలరా..ఇలపై ఎవరన్నా…