Author name: Surya Narayana

వరములడగవు ఎందుకని నన్నడగకయ్యా శివ శంకరా…
కావలసినవన్నీ అడగకనే నాకిస్తువుంటే ఏమడగనయ్యా పరమేశ్వరా….
తెలిసియో..తెలియకో నిను నేను కొలిచినది తక్కువేమో గాని…

కంటిమయ్యా మనసార సాంబ మూర్తి…
నింపుకుంటిమయ్యా మనసులో సౌందర్య మూర్తి….
ఉండిపోవయ్య గుండెలో ప్రతి రూపమై కదలాడక….

రుద్రాక్ష ప్రియ శంకరా…
నీ పాద ముద్రలను పూజించనీ…
అసమాక్ష శంభో హరా…నీ పద సేవలో నన్ను తరియించనీ..

ఆచరింతుమయ్యా గణపతీ…
నీ బాట అనుసరింతుమయ్యా..గణపతి
పూజించి శివ పార్వతుల దీవెనలు పొందినటుల…

ఎందుకిక..నాకెందుకిక శివ శంకరా ఏ వరములు…
పొందికగా లయబద్ధముగ వ్రాయిస్తువుంటే నీ పదములు ..
కదలిపోతూ కలమువ్రాసే అక్షరాలివి కావురా…

వినిపింతు శంకరా…నా మనో వేదనను…
మనసు మాట వినని ఈ బుద్ధి తీరు తెన్నునూ…
వలదు వలదనిననూ బుద్ధి తగని పని చేస్తుంటే…

తేజోమయం…నీ దివ్య రూపం..
అరుణోదయం…పున: దర్శనీయ భాగ్యం…
మృత్యుంజయయా…నిను కనగ వరమిచ్చినావా…

ఎక్కడని వెతికేను శివశంకరా…
నీ దరిచేరుటెట్లనో గంగాధరా…
సకలమూ సమకూర్చు నిను కానగా…
నేనే తపము చేయవలె నీ మనసెరుగగా..

తలచవే మనసా…ఇకనైన శివ శివా అనుచు…
మనసార కొలవవే మనసా…కరుణించమని కోరుచూ….
వినగలడు శివుడు వేదనలు ప్రేమ మీరా…

ఎవరికైనా వరమునిచ్చే నీ అభిమతము ఉన్నతమురా శంకరా…
ఏ ప్రాణికైన కరుణ నొసగే నీ మనసు