Author name: Surya Narayana

ఓం నమ:శ్శివాయ… నారాయణ రూపాయ…
ఓం నమో ఫణిభూషణాయా…పద్మనాభ శోభితాయా…
పరమాత్ములారా..మిము గని పరవశించె మా మది…

నమామి..నమామి..నమో నమామి..శ్రీ రామనవమి….
పరమేశ్వరా…పరంధాముడై నీవు సాక్షాత్కరించిన వేళ పరవశించె ఈ పుణ్యపుడమి…
ఉజ్జయిని క్షేత్రము అయోధ్యానిలయమై వెలిగిపోతోంది…

దాక్షాయణీ హృదయనిలయేశ్వరా…
కాత్యాయినీ కలల నగరేశ్వరా…
తిలకించుతుంటే నీ రూపము..
కదలివచ్చినట్లుంది వీడి ….నీవు కైలాసము…

ఓంకార తిలకాంకృత పరమేశ్వరా…
కలలు సాకారమొనరించు పార్వతీ హృదయేశ్వరా…
కరిగి పోవు కదా శంకరా…మనసెంత కఠినమైనా..

తలపైన గంగమ్మా…
సగభాగమౌ గౌరమ్మా…
కనరమ్మ…కనరమ్మ శ్రీ సాంబశివుని…
పుష్పశోభితమైన నిటలాక్ష హరుని..

నయనానందకరమయా శంకరా…నీ రూపము…
మహదానందమయా పరమేశ్వరా…నీ దర్శన భాగ్యము…
రెండు కరములు చాచి అడుగుతున్నాము…

అడగనా శంకరా…నేను నిన్నొక్కమాట…
ఒక ప్రశ్న, లక్ష ప్రశ్నలుగా తొలుచు మాట..
అడగతగునో లేదో తెలియడము లేదు నాకు…

ఏమనను శంకరా…నీ కరుణను…
ఘడియైన నిను తలవని నాపైన చూపించు నీ ప్రేమను…
రోదిస్తోందిమది…ఎంత తప్పు చేశాను ఇన్నాళ్లు నేనని..

శంభో హరా…శంకరా…
శుభకృత్ వత్సరము వచ్చింది కానరా…
గంగాధరా…ఈశ్వరా…
శుభములియ్యంగ ఇలకు తరలి రారా…

కైలాస వాసా…ఈశా..మహేశా..
హే.. చిద్విలాసా..నమో పార్వతీశా…
కరుణించరా శంకరా…మము కన్న తండ్రివై…