Author name: Surya Narayana

కనులకింపగు కారుణ్య రూపము…
మదిన నింపగు పరమేశ్వరుని రూపము…
హృదిని కైలాసము గ చేసి ఆవాహనము చేసేము శివుని…

అడగనా….అడగనా…అడగనా…శంకరా… ఒకే ఒక్క వరము….
పలుకనిమ్మని నానోట ఎప్పుడూ ఓం నమః శివాయ మంత్రము…

శ్రీ రాములోరి హనుమా…
సద్గుణ సంపన్న కపి సార్వభౌమా…
కంటిమయా మారుతీ…నిను
కాళలింగమున…
పొందితివి కదా స్థానము…పరమేశ్వరుని కరుణ హృదయాన…!!శ్రీ!!

ముచ్చటాయెనా శంకరా…దర్శనం బియ్యగా….
కృష్ణాష్టమి పర్వదినమున కన్నయ్య గా…
దేవకీ నందనుడి జన్మదిన శుభవేళ…

వేడుకొన వచ్చాము శాంకరీ…
నిను కోరుకొన వరమొకటి శుభకరీ..
లోకమును పాలించు లోకేశ్వరీ…
మా లోకమే నీవగునట్లు దీవించు జగదీశ్వరీ…!! వేడు!!

వక్రతుండా… పూజింతుమయ్యా
ఏ సిరులనూ కోరకుండా…
ఏకదంతా…దీవించుమయ్య విఘ్నములు కలగకుండా…
పార్వతీ పరమేశ్వరుల ప్రియ నందనా….

ప్రణామములయ్య పరమేశ్వరా…
నిత్య నీరాజనములయ్య
కాళేశ్వరా..
నిను కనగనే అయ్యింది
హృదయము మందిరముగా …

అమ్మోరు తల్లీ…బంగారు తల్లీ…
చూడ ముచ్చట గొలుపు శ్రీ కల్పవల్లీ…
కరుణ రసామృతధారలను కురిపించవమ్మా….

ఎగెరెరా శంకరా…మూడు రంగుల జాతీయ జెండా నీ సన్నిధాన…
కలుగురా ఇక శుభములు భరత ఖండమున నీ దయాన…
ఆజాదికా అమృత మహోత్సవపు ఆనంద వేళ….

జయ శంకర శివశంకర గంగాధర శంభో….
కరుణాకర ప్రణవాక్షర పరమేశ్వర శంభో…
కమనీయం నీ రూపం..కాత్యాయిని హృదయం…