August-2022

అన్నా… శివన్నా అంటూ పిలిచేరు నిన్ను….
ఆడపడచులందరూ ప్రేమతో
కొలిచేరు నిన్ను….

ఈశ్వరా…పరమేశ్వరా…
కోట్ల సార్లైనా దర్శించు కోవాలనిపించు నీ రూపము..
శంకరా…శుభకరా…

శంకరా…శశిధరా..
ఏలనయ్యా మారేడా… ఎరుపెక్కె నీ కనులు రెండు….
శలవియ్యవయ్యా దిద్దుకొందుము మాతప్పులెన్నున్న నేడు…

శంకరా…పరమాద్భుతమయా నీ రూపము …..
శశిధరా…ముక్తి నొసగుచున్నట్లున్న నీ ప్రతి రూపము…
కృతజ్ఞతతో నిండిన కన్నీటి కన్నులివి కానరా….

ఎటుల తెలిపెద శంకరా…నా భక్తిని…
నీకెటుల తెలిపెద హర హరా..నా ఆర్తిని….
తెలియజేయుటన్నది సాధ్యమా ఈశ్వరా…
తెలుసుకొనుటన్నది నీకు సుసాధ్యమే శుభకరా…!!ఎటుల!!

పరమేశ్వరా…పరికించరా…
పరి పరి విధముల కీర్తించు మా మదిని కానరా…
జగదీశ్వరా… జాగేలరా…
జల జలా రాలె కన్నీరు మా కనుల కరుణించరా…

కైలాస వాసా…కారుణ్య మానసా…
ఎక్కడున్నావని వెతికేరయా శంకరా…నిన్నందరూ….
తమలోనే ప్రాణమై ఉన్నావన్న సంగతి ఎరుగకున్నారు ఎవ్వరూ…
క్షణమాగితే చాలు మా ఊపిరి…

శంకరా….మాకున్న కనులూ రెండూ చిన్నవి…
అత్యంత సుందరముగ నున్న నిను కనగ సరిపోవునా అవి…
తెరిపించవయ్య…పరిపూర్ణముగా మా మనోనేత్రముని….

నమో నాగరాజా నమో నమో….
నమో దివ్యతేజా నమో నమో….
శివ కేశవుల కరుణ పొందిన సర్పోత్తమా….
హరి హారుల మదిన నిలిచిన నాగోత్తమా…!!నమో!!

సాలుకొక సారి ఇచ్చేవు శంకరా…
నాగ చంద్రేశ్వరునివై నీ దర్శనం…
మా మేలుకోరి వచ్చేవు హర హరా…
తిలకించుతూ తరియంచమని ఆ దినం….
ఉజ్జయిని క్షేత్రమును పాలించుచూ…