Author name: Surya Narayana

పరీక్షించకయా శంకరా…పరిపూర్ణులము కాము.
ఉపేక్షించకయా వరమియ్య…శక్తిహీనులము మేము..
మా తప్పు తెలుసుకొన ఆశగా నీ ఎదుట

ఒకే ఒక వరము కోరేము శంకరా…
నిలిచిపోనిమ్మని నీ రూపమును మా కళ్లలో హర హరా..
రెప్ప వాల్చి తెరిచినపుడు తరలిపోకుండా..
తెలియక తప్పు చేసినా మన్నించి, నను వీడి పోకుండా..

అడగమా శంకరా…ఒక చిన్న వరమును…
చాలించు నీ ఉగ్రరూపమను చిన్న కోరికను…
మానవ మాతృలము..నిను ఈ రీతిగా దర్శించుకొని

ఏమున్నదో శంకరా.. నీ చూపులో
మునిమాపునే వస్తావు మా కలలలో..
బ్రతుకు పోరాట క్రీడలో అలిసిపోయేటి ఈ జీవితాన్ని..
ఊరడించినట్లుంటావు నిదుర పొమ్మని..

నిను కాన వచ్చామయా శ్రీ కాళలింగేశ్వరా..
వేడుకొన వచ్చామయా శిప్రానదీ తీర సర్వేశ్వరా..
తెచ్చామయా నైవేద్యముగ తీపి ఫలహారములు..

తీరేను శంకరా.. కలలు ఎవరికైనా
కొలిచితే నిను మనసారా గుడిలోన..
వీడేను కష్టాలు ఎన్నైనా
పలికితే నీ నామ స్మరణాలు శృతిలోన..
ఆనతియ్యరా అర్చనలు చేయగా…

ఏ పూర్వ పుణ్యమో నీ దర్శన భాగ్యము….
ఏ జన్మ ఫలమో నీ సేవా యోగ్యము…
కావాలి శంకరా…ప్రతిక్షణము నీ సాయము..
ఇవ్వాలి హర హరా కాదనక మాకభయము…!!ఏపూర్వ!!

ఉజ్జయిని పురవాస..శ్రీ కాళలింగేశా
కైలాసవాసా శ్రీ ఉమా మహేశా
కలిగించరా శంకరా నీ పైన ధ్యాస
ఏనాటికైనా కరుణించెదవని ఈ ప్రాణికొక చిన్న ఆశ..!!ఉజ్జ!!

ఏమాయెనో శంకరా ఈ తనువుకి..
నీ తలపులే చేరే గుండెలో ప్రతి మూలకి…
ఎద నీ గుడి గోపురమాయెరా హర హరా ఈపూట..
మది పరివర్తనము చెంది పాడింది నీ భక్తి పాట..

శంకరా.. నీ దివ్య ఓంకార నాదం..
సంగీత సాహిత్య కళలకది శబ్ధవేదం..
ప్రకృతి ఒడిలోన వినిపించు నిత్య నీ ప్రణవనాదం..
దుష్టగ్రహరాశులకది సింహా నాదం..